Now Computing – hodeiaren alternatiba bat

Gizarte sareak – gurasoak

Txipi eta Maite Goñiren lan bikaina:

 

Sare sozialak eta interneten, gurasoentzako gida from Maite Goñi

Xalbador

Berpiztu da Twitterren. Berpiztuko da pantaileatan.

XALBADOR. Documentaire en cours from Eneko Dorronsoro on Vimeo.

Idazketa kooperatiboa

Gure ikasle guztiak Google Drive-ren bezero (edo salgai) bihurtu eta gero, ea sorkuntza kooperatiboan zer sortzen dugun

Ea ideien zaparrarada egiten dugun

Hamar liburu Euskal Herrian – Zazpi etxe Frantzian

View this document on Scribd

2012. urteko beste liburu batzuk (111Akademiak bidalitako zerrenda)

Prezi – Egun batean aplikazioa hobeto erabiltzen ikasi beharko

USA Election Results (INGELESEZ) on Prezi

Lehendakaririk onena

Langa oso altu jarri zuen Jaun eta Jabe hark:

Jaun eta jabe – kapitulu 1

Bakarkako bizio aitorrezina partekatzeko bi aukera

Harkaitz CANO - Twist - Eleberriari buruz solasaldia egiteko aukera Deustuko Bidarte udaltegian.

Ur Apalategi – Fikzioaren izterrak. Ur Apalategiren ipuin bildumari buruz solas egiteko aukera Getxon, Algortan. (Egin klik kartelean).

Ur Apalategi – Fikzioaren izterrak

Kritikak:
Harkaitz Cano – Twist
Ur Apalategi – Fikzioaren izterrak.

LibreOffice doitzeko trikimailutxoa

Duela gutxi konturatu nintzen blog honetan gehien irakurri izan den mezua OpenOffice doitzeko trikimailutxoa dela. OpenOffice hori historiara igarotzeko bidean dagoenez, mezu haren hurrengo bertsioa prestatzea otu zait.

Gure ikastetxe publikoetan benetan Software Librea erabiltzeko aukera izango bagenu, –ez ia kudeatzaile baimenik gabeko daukagun bi bertsio ordezko horiek—, (zergatik irakasleen eta ikaslee Ubuntu bertsioa ez da bat eta berbera guztientzat?)… ikasleei eta lankideei LibreOffice deskargatzeko eta instalatzeko esango nieke.

Deskargatu – LibreOffice basque

Baina ikastetxeetan nekez instala daiteke software pakete bat, librea izan zein pribatiboa izan.

Etxean, ordea, erraz deskargatzen dira hainbat software pakete. Ubunturen software-zentrotik edo Synaptic erabiliz, esate baterako.

Niri letra-tipoak, besteak beste, deskargatzea asko gustatzen zait. Norberak bere zoroak. Horra Synaptc irekita egindako pantaila-argazki bat:

Synaptic erabiltzen letra-tipoak deskargatu eta instalatzeko

Baina egia esan behar. Hainbat letra-tipo deskargatu eta gero, azkenean, beti bizpahiru letra-tipo besterik ez ditut erabiltzen.

Egun batean, Alfios letra-tipoa gustukoa nuela iruditu zitzaidan eta handik aurrera, buelta gehiegirik eman gabe, beti Alfios 15 ezartzen dut nire lehenetsitako txantiloian; Lerroen artean 1,5  ezarri ohi dut eta bi aldeetako justifikazioa. Lehen lerroko koxka ere lehenetsita uzten dut, hasierako paragrafoetan kentzeko ohitura badut ere.

Baina goazen harira, LibreOffice dokumentu berri bat zabaltzen duzunean zeure gustuko txantiloia ager dadin, egin behar duzuna, guxi gorabehera hauxe da:

1. Menu-barran, Bulegoa > LibreOffice Writer aplikazioa ireki.
2. Dokumentu berri batean, utzi gehien gustatzen zaizkizun, eta lehenetsita utziko dituzun, parametroak. Esaterako, letra-tipo jakin bat, orrialde zenbakitxoa (Formatua > Orrialdea > Orri-oina; eta gero Txertatu > Eremuak > Orrialde-zenbakia) eta lehenetsita utzi gehien erabiltzen duzun hizkuntza. (Hizkuntza paketeak nola instalatu, norbaitek galdetuz gero, hurrengo mezu batean).
3. Menu-barran Fitxategia > Txantiloia > Gorde (Ezarri iezaiozu izena oraintxe gordeko duzun txantiloiari. Izena honelakoa izan daiteke: “Liberation-Serif 12 – eu – orri-oin zenbakitxoekin”.) Nire goiko pantaila-argakian ikusten den legez, nik txantiloiari Alfios 15 deitu diot.
4. Menu barran berriro ere Fitxategia > txantiloia > Antolatu (orain bakarrik falta zaizu topatzea txantiloia lehenetsita bezala ezartzeko aukera). Begiratu eskuinean behean.
5. Eta itxi leihatilatxoa. Hurrengoan, LibreOffice-n sartzen zarenean orain lehenetsitako txantiloia topatuko duzu. (Txantiloi asko presta daitezke, jakina, eta batetik bestera igaro).

Zenbakien giltza beti piztuta (Bloq-Num giltza)

Hezkuntza Sailak eskura jarri dizkigun ordenagailuetan Linux erabiltzeko aukera egin baduzu, agian niri bezala gertatuko zaizu. Nahiago zenuke ordenagailua piztu eta berehala, lehenetsita, zenbakiak txertatzeko eskuineko giltzak gaiturik aurkitzea.

Interneten bilatu dut errezeta edo araoa eta probatu dudan lehena ondo ibili zait.

Hauxe da araoa:

1.-  Zabaldu terminala. (Lasai, inork ez zaitu ikusten).

2.- Idatzi hauxe terminalean: gksudo gedit /etc/gdm/Init/Default

Oharra kontu hauetan ni baino hasi-berriagoentzat. Araoa idazterakoan zurigunetxoak-eta oso garrantzitsuak dira. Oso zehatza izan behar.

3.- Sartu kudeatzailearen pasahitza.

4.- Zabalduko zaizun gedit leihoan, behean, “exit 0″ horren gainean, kopiatu arao hau:

if [ -x /usr/bin/numlockx ]; then
/usr/bin/numlockx on
fi

Gorde eta irten.

Nola abiarazi Linux Bloq_Num giltza piztuta gera dadin

5.- Berrabiarazi sistema.

KDErekin bide errazagoa:

Bilatu giltzadia doitzeko leihatilatxoa eta ezarri piztuta:

Zenbakiak hasieratik blokeatuta ager daitezen, giltzadia, teklatua behar bezala lehenetsita utzi beharko.

http://img843.imageshack.us/img843/2525/numblok.png