Author Archives: gorkaazk

Wikipedia – Buru-mapa automatikoak

Igaro da hori.

Pozik geratu gara bertan parte hartu dugun guztiok. (Mila esker, berriro ere, antolatzaile guztiei, Aiora, Edurne, Galder eta beste guztiei).

#WikiEdu2019 partaide batzuk

Hiruzpalau hitzaldi batera eta tamalez ezin guztiak aditu…

Galdu nuen horietako batean buru-mapak edo kontzeptu mapak Wikipediatik modu automatikoan sortzeko bidea erakutsi zuten.

Hitzaldia zuzenean ezin entzun baina Makek pasatu zidan esteka. Mila esker, Make (@MJIRPE).

Oraingoz hedapen handiko hizkuntza bakar batzuetan dagoela ikusi dut baina laster euskaraz ere egotea espero dut.

Horra egin dudan lehen probatxoa. Segundo gutxitan egindako buru-mapa sistemak ematen duen lehen bertsioa, ezer editatu barik:

Probatu nahi?

Horra: http://www.wiki2map.org

Infografiak egiten laguntzeko online gune batzuk

  1. # canva
  2. # coggle.it
  3. # draw.io
  4. # easel.ly
  5. # fatpaint 3D Letra molde
  6. # FreeMind (software librea + euskaraz) buru-mapak
  7. # freepik
  8. # genial.ly
  9. # goconqr.com
  10. # infogram Kalkulu orriko grafikoen antzekoak
  11. # Lucidchart (2.0 aplikazioa) buru-mapak.
  12. # Lucidpress
  13. # MindUp.com
  14. # Padlet.com
  15. # phon.to jarri testua argazkien gainean (telefonoaz)
  16. # piktochart
  17. # powtoon Bideo-aurkezpenak
  18. # prezi
  19. # shutterstock
  20. # venngage infografiak

Egunen batean ea guztiak patxadaz begiratzeko denboratxoa hartzen dudan.

799px-nire_ikas_alorra_3

Wikipedia erabiliz jolas bat

Wikipedian hainbat testu tipo topa daitezke: azalpen testuak, biografiak, filmen sinopsiak… Erabiltzen diren gaiak ere ez dira gutxi: zientziak, teknologia, matematika, historia, filosofia, geografia, zinema, literatura…

Wikipediako artikuluak astiro-astiro irakur daitezke, arreta osoz, edo oso gainetik, azaletik, azkar-azkar, informazio jakin baten bila besterik gabe… Azkeneko irakurketa mota horri skimming & scanning deitzen zaio ingelesez.

Azken honi euskaraz azkar irakurtzea edo eskaneatzea esaten diogu. Begiak azkar-azkar igarotzen dira testuen gainetik, zerbaiten bila, baina ikusten dituzten hitz gehienak deskodifikatu gabe.

Gure jolas honetan horixe egingo dugu. Wikipedian informazioa bilatu, artikulutik artikulura ibiliko gara, baina artikuluak sakon aztertu eta irakurri gabe.

  • Ikasleak taldeka kokatuko ditugu.

    Sestaoko ikasle batzuk bertoko KZgunean, ordenagailuak partekatzen. Ikasteko eta, batez ere, jolasteko prest. (Argazkigilea: Iñaki LL. via Wikimedia Commons)

Erronka izango da artikulu batetik beste artikulu batera dagoen bidea, esteken bidez, bilatzea.

  • Denbora mugatua emango dugu. Euskarazko Wikipediarekin gutxienez hiruzpalau minutu behar izaten dira gai aldetik oso urruti dauden artikuluak esteken bidez lotzeko. Ingelesezko Wikipedian denbora gutxiago beharko da, artikuluetan esteka gehiago daudelako.

Bi erronka mota:

  • ea nork, zein taldek, lotuko dituen lehenago bi artikulu, hau da, ea nork lotuko dituen bi artikuluak esteken bidez denbora gutxiago erabiliz. Ea zein taldek burutzen duen azkarrago, denbora gutxiago erabiliz, abiapuntutik helmugarainoko bidea.
  • ea nork, zein taldek, behar izan dituen urrats gutxiago, klik gutxiago, artikulu batetik bestera iristeko. Ea nork, (zein taldek, denbora jakin batean, aurkitzen duen abiapuntutik helmugarainoko biderik laburrena.

Adibidea:

Ea nork lotzen dituen azkarrago eta esteka gutxiago erabiliz bi artikulu hauek:

Bukaeran denbora neurtzeaz gain nabigatzailearen historia-orria erakutsi beharko da ea zenbat klik egin diren.

  • Kronometroak martxan!

Nik neuk esperimentua egin eta hauxe izan da ene ibilbidea: Shakespeare > Cervantes > Palermo > Sizilia > Sumendi.

(Ez dut esango zenbat minutu eta zenbat segundo behar izan ditudan ibilbidetxoa egiteko. Ez dut ene burua barregarri utzi nahi 😉 )

Irakurketa azkarra

Jolas honetan informazioa bilatzen eta irakurketa azkarra eta azalekoa egiten trebatu egiten gara. Norberak dauzkan ezagupenek asko laguntzen dute. Etengabe dakizuna eta imajinatzen duzuna jartzen duzu jokoan. Intuizioa esaten diote batzuek.

Nik uste nuen Shakespeare artikuluan aipatzen ziren lekuetan sumendirik ez dagoela. Artikuluan Cervantes ikusi eta agian sumendiak dituen lekuak aipatuko zirelakoan, hortxe klik egin. Intuizioz. Cervantesen artikuluan Palermo ikusi eta Italiako hegoaldean sumendirik badagoela jakin… Palermo artikuluan bertan klik egin, hortxe Sizilia aipatu, bertan klik eta Sizilian sumendi hitza urdinez, bai horixe! Eureka!

Bide laburragorik topatuko? (Blogaren erantzunetan uztea duzu 😉

 

Goza daiteke gehiago

Aspaldi honetan , Euskaraldiaren aitzakiarekin,  Karmelo Ayestaren Goza daiteke gehiago irakurtzen ari naiz. 2014koa da liburua.

Anje Duhalderen abesti hura berriro entzuteko:

Maita, maita nazazu gutxiago,
goza, goza nazazu gehiago!!

Etxekoandre, Anje Duhalde (Euskal Herriak izan behar du euskalduna eta librea, 1996) (<<<audioa + abestiaren hitzak)

Nola atera armairutik 500.000 euskaldun

Gustatzen zaizkit Imanol Epelde Pagolak partekatzen dituen audioak eta bideoak.

 

Wikipediari buruzko bideoa

Kike Amonarriz eta Xabier Armendaritz:

(Ikusteko, egin klik):>>
“Euskarazko Wikipediaren nondik norakoak” Kike Amonarrizek Xabier Armendaritzekin elkarrizketa

https://www.eitb.eus/eu/telebista/programak/tribuaren-berbak/bideoak/osoa/2322034/bideoa-euskal-wikipediaren-nondik-norakoak-xabier-armendaritzekin/

Pello Salaburu – Miren Azkarate – Corpusak online – adizkitegia

Umea Macmillan.es webgunean erregistratu behar eta…

Ingeleseko irakasle hori,

umeak Macmillan.es horretan izena emateko, erregistroa egiteko, eskatu dit. Denbora pilo bat galdu dut Macmillan.es horretan umearendako kontua sortu nahian. Eta ezin.
Hainbat arrazoi egon daitezke.
Problema izan daiteke erabiltzen duten URL helbidea ez dela segurua, ez da https:// , http://  baizik.
Horrelako zerbitzu zaharkitua eskaintzen duen webgune batek, agian, ez digu inolako zerbitzurik eskainiko nik bezala software librea hobesten dugun erabiltzaileoi. Batek daki.
Beraien pribatutasun politika zalantzazkoa eta beraien cookie guztiak irensteko prest nagoela sinatu behar izan dut.  Tira. Guztiari I accept klikatu badiot ere, emaitza onik ez. Oraindik ez dut eskuratu erabiltzailea eta pasahitza.

Access code (17 karakterekoa), captcha (7 karaktere), umearen jaiotze data, ene posta helbidea bi aldiz, herrialdea (Spain, ezinbestean, Antartika ez zuten onartzen)… Datu horiek guztiak, gehiegi, sartu eta gero sistemak ez du erantzuten. Berriro saiatu, berriro kale. Berriro saiatu, berriro alferrik…

Horrelako 2.0 hainbat zerbitzutan urtetan egin ditut hamaika erregistro eta ez dut aspaldian ikusi honelako sistema kaxkarrik!

Kontuarekin denbora gehiegi galdu badut ere, irakasle hori, zeuk esan: agian konponbide erraz bat egon badago eta ez zait bururatu.

P.S. Ordenagailua ixtera nindoala hara non ikusi dudan pribatutasun politika hori eta cookie horiek guztiak nahi eta nahi ez irenstera behartzearekin  ez dutela nahiko eta zein nabigatzaile erabili behar dugun agintzen digutela.

“This website is optimised for Google Chrome. Other browsers may not work correctly. If you don’t have Chrome, you can get it here

Doazela pikutara!
2017-09-19 18-28-24-ko-pantaila-argazkia

Neguko solstizioa

egunsentiederra

Kontatu ezazu idatziz zelako erritoak egiten diren Urdiain herrian neguko eta udako solstizioa ospatzeko. 12. min.

Irakurri: Iñigo Astiz. “Urteko lehen ur tragoa”

View original post

Nola erabili LibreOffice 5.2 euskaraz

Gure ikastetxean gaztelaniazko Windows sistema zahar batekin aurrera egin behar dugu. Nabigatzailea eta Bulegoko aplikazio-pakete bat behintzat instalatzea dugu: