Tag Archives: linux

Letra-tipoak instalatu. Linux

Noiz edo noiz letra-tipo berri bat instalatzeko apeta izaten dut eta nola egiten zen aldi batetik hurrengora ahantzi egiten zait…

Ea hurrengoan sarean minutu gehiegi galdu beharrean nire buruarengandik ikasten dudan.

0. Letra-tipo bat nola deskargatzen zen ez zait ahaztuko. Espero dut. Nabigatzailean download… eta di-da.

Deskargatu, gorde… Demagun gure izena duen direktorioan gorde dugula: /home/nireerabiltzaileizenekodirektorioa horretan

hau da, esate baterako /home/gorka direktorioan Alfios letra-tipoa deskargatu dut.

  • Arao pare batekin nahiko: 1.-

sudo cp -r /home/nireerabiltzaileizenekodirektorioa/deskargatududankarpetaizena /usr/share/fonts

     hau da, esate baterako:

sudo cp -r /home/gorka/Alfios /usr/share/fonts

(Araoa idazterakoan letra-tipoaren izenaren ostean /usr/shar… horren aurrean, espazio bat, zurigunetxo bat).

  • 2. Letra tipoa katxean gehitzeko:

fc-cache /usr/share/fonts/deskargatududankarpetaizena

     hau da, esate baterako:

fc-cache /usr/share/fonts/Alfios

Eta hortxe topatuko dugu, /usr/fonts/Alfios guk kopiatu dugun karpeta berria:

 

Proba bat egiteko, ume txikien gustukoa izan daitekeen letra-tipo honekin proba egin dezakezu: katamotzIkasi

Advertisements

UBUNTU Lucid Lynx (10.04 LTS)

(Katamotz ikasi (irakurtzen laguntzeko baliabide informatikoak) edo katamotzIkasi letra-tipoaren bila mezu hau topatu baduzu, egin klik esteketan)

Katamotza

Ubuntukoek 2010. urtean kaleratu duten bertsioari katamotz ederraren izena ezarri diote. LTS bertsioa izango da, hau da, bertsio hau beste bertsio batzuk baino denbora luzeagoan berriztatzen eta mantentzen saiatzeko asmoa dute.

Laguntza pixka batekin, hasieran,  zure ordenagailua asko hobe dezakezu Linux sistema eragileari esker.

Eta laguntzarik gabe, ausardia pixka bat eta ingeles pixka batekin, esate baterako hemendik instala dezakezue nahiko erraz. (Windows-en edozein programa instalatzea bezain erreza).

Lortzen baduzue, Linuxekin hemendik aurrera, birus horiekin kexka gutxiago, ez duzue programarik “pirateatu” behar, (milaka programa eskura eta doan daukazue); ordenagailuko sistema eragile batek kale egiten badu, (Windowsek askotan egiten du kale), beti daukazu bigarren aukera, Linux; milaka joko edo artxibategiak p2p sistemekin elkar trukatzeko aukera hobeak…

Oharra, zure ordenagailuan aldaketa handiak egiten hasi baino lehen egin itzazu babes kopia onak!

Balio erantsi gutxiko lana

Hona hemen balio erantsi gutxiko idazlana zer den. Azalpena eta adibidea.

Lehenengo adibidea:

“Denok ikusi ditugu Microsoft-ek I’m a PC izeneko kanpainan argitaratu dituen bideoak. Oso ohikoa ez bada ere, 8 urteko ikasle batek gai hau atera zuen Ikasys proiektuan erabiltzen hasi diren Acer Aspire One ultraeramangarri berriak ikusi zituzten lehen egunean. Ordenagailuak piztu eta eurentzat ohikoa ez zen pantaila bat zabaldu zitzaienean, era guztietako iruzkinak egiten hasi ziren. Zer da hau? Euskaraz dago! Musika politagoa dauka!… Ikasle batek etxean zer edo zer ikusita eta entzunda zeukanez, protagonismoa hartu eta azalpenak ematen hasi zen. Egia esateko, dena nahasten zuten eta gaia patxada gehiagorekin jorratu beharko genukeela pentsatu nuen.Pentsatu eta baita egin ere. Ondorengo bi bideo hauek ikusi eta eztabaidatzeari ekin genion.

Open Source »

Richard Stallman »

Han sortu zen bideo hau egiteraen ideia. Egia esan behar baldin badut, ez dakit ikasle hauek zenbateraino jabetzen diren gai honetaz, baina “kontrakanpainaren” ideia gustatu zitzaien eta gidoia berehala ekoiztu zuten. Ainhitzeren letra dotorea txartelak egiteko aprobetxatu eta listo. Hortxe duzue emaitza.

Oharra: Guk ere, Microsoft-ekoek bezala, bideoa Mac batekin editatu dugu. Inkoherentzia ez dadila izan euren patrimonioa!”

Orain azalpena. Idazlan polita sartu dut kakotxoen artean pentsatuko du baten batek. Batez ere originala ezagutzen ez duen baten batek. Originala ezagututa, kopia baten kopia bat egin dudala ikusiko du. Euskal Jakintzakoek Microsoften publizitatearen kopia egin zuten. Kopia hutsa? Ez. Originala hobetu zuten, nik uste.

Nik kopiaren kopia egin dut. Hitzez hitz.

Ezin esan nik egindakoa ez duela balio erantsirik. Urruti zegoena hurbilago ekarri dut nire ikasleentzat, kakotxoen artean kopiatu dut, eta gainera iturria txintx0-txintxo aipatuko dut: IKTeroak, Magic

Are gehiago, nik ikasgelan emandako azalpen batzuen osagarri legez erabili dut goiko idazlana eta originalari izenburua aldatu diot. Izenburu originala ingelesez zegoen eta nirea euskaraz, itzuli barik.

Baina IKTeroak blog horretan zegoen testua ez badut inorentzat hurbildu, nire post honen balio erantsia = zero 😉