Category Archives: Informazioak

Wikipedia erabiliz jolas bat

Wikipedian hainbat testu tipo topa daitezke: azalpen testuak, biografiak, filmen sinopsiak… Erabiltzen diren gaiak ere ez dira gutxi: zientziak, teknologia, matematika, historia, filosofia, geografia, zinema, literatura…

Wikipediako artikuluak astiro-astiro irakur daitezke, arreta osoz, edo oso gainetik, azaletik, azkar-azkar, informazio jakin baten bila besterik gabe… Azkeneko irakurketa mota horri skimming & scanning deitzen zaio ingelesez.

Azken honi euskaraz azkar irakurtzea edo eskaneatzea esaten diogu. Begiak azkar-azkar igarotzen dira testuen gainetik, zerbaiten bila, baina ikusten dituzten hitz gehienak deskodifikatu gabe.

Gure jolas honetan horixe egingo dugu. Wikipedian informazioa bilatu, artikulutik artikulura ibiliko gara, baina artikuluak sakon aztertu eta irakurri gabe.

  • Ikasleak taldeka kokatuko ditugu.

    Sestaoko ikasle batzuk bertoko KZgunean, ordenagailuak partekatzen. Ikasteko eta, batez ere, jolasteko prest. (Argazkigilea: Iñaki LL. via Wikimedia Commons)

Erronka izango da artikulu batetik beste artikulu batera dagoen bidea, esteken bidez, bilatzea.

  • Denbora mugatua emango dugu. Euskarazko Wikipediarekin gutxienez hiruzpalau minutu behar izaten dira gai aldetik oso urruti dauden artikuluak esteken bidez lotzeko. Ingelesezko Wikipedian denbora gutxiago beharko da, artikuluetan esteka gehiago daudelako.

Bi erronka mota:

  • ea nork, zein taldek, lotuko dituen lehenago bi artikulu, hau da, ea nork lotuko dituen bi artikuluak esteken bidez denbora gutxiago erabiliz. Ea zein taldek burutzen duen azkarrago, denbora gutxiago erabiliz, abiapuntutik helmugarainoko bidea.
  • ea nork, zein taldek, behar izan dituen urrats gutxiago, klik gutxiago, artikulu batetik bestera iristeko. Ea nork, (zein taldek, denbora jakin batean, aurkitzen duen abiapuntutik helmugarainoko biderik laburrena.

Adibidea:

Ea nork lotzen dituen azkarrago eta esteka gutxiago erabiliz bi artikulu hauek:

Bukaeran denbora neurtzeaz gain nabigatzailearen historia-orria erakutsi beharko da ea zenbat klik egin diren.

  • Kronometroak martxan!

Nik neuk esperimentua egin eta hauxe izan da ene ibilbidea: Shakespeare > Cervantes > Palermo > Sizilia > Sumendi.

(Ez dut esango zenbat minutu eta zenbat segundo behar izan ditudan ibilbidetxoa egiteko. Ez dut ene burua barregarri utzi nahi 😉 )

Irakurketa azkarra

Jolas honetan informazioa bilatzen eta irakurketa azkarra eta azalekoa egiten trebatu egiten gara. Norberak dauzkan ezagupenek asko laguntzen dute. Etengabe dakizuna eta imajinatzen duzuna jartzen duzu jokoan. Intuizioa esaten diote batzuek.

Nik uste nuen Shakespeare artikuluan aipatzen ziren lekuetan sumendirik ez dagoela. Artikuluan Cervantes ikusi eta agian sumendiak dituen lekuak aipatuko zirelakoan, hortxe klik egin. Intuizioz. Cervantesen artikuluan Palermo ikusi eta Italiako hegoaldean sumendirik badagoela jakin… Palermo artikuluan bertan klik egin, hortxe Sizilia aipatu, bertan klik eta Sizilian sumendi hitza urdinez, bai horixe! Eureka!

Bide laburragorik topatuko? (Blogaren erantzunetan uztea duzu 😉

 

Pello Salaburu – Miren Azkarate – Corpusak online – adizkitegia

Nola erabili LibreOffice 5.2 euskaraz

Gure ikastetxean gaztelaniazko Windows sistema zahar batekin aurrera egin behar dugu. Nabigatzailea eta Bulegoko aplikazio-pakete bat behintzat instalatzea dugu:

 

Doaneko biltegiratze guneak – pendrive beharrean Lainoa

Gure fitxategiak (dokumentuak, audioa, bideoak, argazkiak, etab.) etxeko ordenagailuko edo beste gailuetako disko gogorrean gordetzeaz gain, Lainoan, Sarean, Interneten gorde ditzakegu. Hona hemen bilaketa azkar batean topatu ditudan biltegiratze zerbitzu batzuk.

Astirik ez xehetasunak aztertzeko, pribatutasun kontuak begiratzeko-eta. Fitxategiak eta karpetak partekatzeko baldintzak konparatzeko-eta, astirik ez. (Norbaitek iruzkinak utziz gero, mila esker).

Zerbitzu hauen erabiltzaileak jakin behar du:

  • Pribatutasuna ez dagoela ziurtatuta. Zerbitzu batzuek zifratze sistemak erabiltzen dituztela adierazten dute, beste batzuek…
  • Zerbitzu hauetako batzuk, hemendik denbora batera, desagertu egingo dira (esate baterako Ubuntu One desagertu zen legez)

Gure fitxategiak, asko estimatzen baditugu, hiruzpalau tokitan gordetzea hobe. Nork: Alan Lorenzo – CC BY-SA 3.0

Alfabetikoki:

  1. 4Shared
  2. Adrive
  3. Amazon Cloud Drive
  4. Bitcasa
  5. Box
  6. CloudMe
  7. Copy by Barracuda
  8. Cubby by LogMeIn (LinkedIn taldekoa?)
  9. CX
  10. Dropbox Pribatutasun eta ziurtasun gehiago lortzeko boxcryptor erabil daiteke.
  11. ElephantDrive
  12. Fiabee
  13. Filesanywhere
  14. GetSync (Lehen BitTorrent Sync) Sistema honekin Internet, Lainoa, saihetsi egiten da P2P sistemari esker
  15. Google Drive (Google kontua duten guztientzat esku-eskura)
  16. HiDrive
  17. Hive
  18. hubiC
  19. iCloud (Apple)
  20. Idrive
  21. Mediafire
  22. Mega (Megaupload erretaren errautsetatik berreraikia by Kim Dotcom) Nabigatzailea euskaraz daukagunez Mega euskaraz topatu dugu.
  23. OneDrive (Lehen SkyDrive) by MicroSoft. Linux erabiltzailea naizelako, ziur aski, problemak izan ditut doaneko izena emateko gunera ailegatzeko).
  24. Open Drive
  25. Popoplug
  26. Shared
  27. Spideroak
  28. SugarSync (garestia)
  29. SurDoc
  30. TeamDrive
  31. TFolder 1TB doan eskaintzen dute! (Kritika onak irakurri ditut baina ez daukat erreferentzia zuzenik).
  32. Tresorit
  33. Wuala by LaCie

 

Erabili ditudan iturri batzuk:

Finlandian mekanografiari lehentasuna

Berriak ez du euskal blogosferan oihartzun handirik izan, salbuespenak salbuespen. Kaligrafia ikastea baino erabilgarriagoa omen da mekanografia ikastea finlandiar hezitzaile askoren ustez.

Etorkizunean gehiago idatziko omen da giltzadietan bolalumaz baino.

Kids heart OLPC (no matter what the critics say)

Argazkia by Tim & Selena Middleton Kids heart OLPC (no matter what the critics say) via Flickr
OLPC keyboard

Argazkia by Stefanos Kofopoulos OLPC keyboard via Flickr

Are typing skills more important than handwriting lessons? Finland says yes

Katakrak, Kata Krak!

Nola sortu blog bat WordPress.com ostatze zerbitzuarekin

Blog bat egiteko blogger eta WordPress  dira ikasleek gehien erabiltzen dituzten aukerak. Egon badaude beste hamaika aukera, gure herrian sortutako batzuk tartean.

Ez ditut interneten WordPress blogak  doaneko wordpress.com zerbitzuan sortzeko tutorial askorik topatu euskaraz. Ingelesez eta gaztelaniaz errazago topa daitezke.

Topatu dudan onena:

Leioako irakurle-kluba

Badirudi aurtengo ikasturtean Ibon Idoiaga, Leioako liburuzain prestua,  Leioan irakurle-kluba sustatzeko ahaleginetan hasi zaigula.

Zera proposatu digu, hilabetean behin, Kultur Leioako hemeroteka inguruan elkartzea eta liburu baten aitzaikiarekin solasalditxoa egitea.

Lehenengo biltzarrerako proposatu duen eguna:

* irailaren 18an, 19:30etan, hemerotekan.

Proposatu duen lehen liburua (baina Ibonek dio liburua irakurri gabe ere biltzarretxora bertaratzerik badagoela):

Izenburua: Irakurri:  hamaika idazki literario irakurtzeari buruz / Uxue Apaolaza … [et al.]    
  Argitaratzailea: Donostia-San Sebastián : Meettok, 2008
  Deskribapen fisikoa: 188 or. ; 22 cm
 
     
     
  ISBN:
978-84-935964-1-5
 

http://www.katalogoak.euskadi.net/cgi-bin_q81a/abnetclop/O9545/ID2df854b4?ACC=161

Hurrengo bileretarako proposatu dituen liburuak:

  • Krimenak, Ferdinand von Schirach (urriak, 16)

Ea zenbat leioaztar (edo inguruko) elkartzen garen!

Egongo da nahikoa lekurik Kultur Leioan Leioako eta inguruko irakurzale guztiak elkartzeko?

Now Computing – hodeiaren alternatiba bat

Gizarte sareak – gurasoak

Txipi eta Maite Goñiren lan bikaina: